Matapos magpahayag ng suporta sa privilege speech ni Sen. Robin Padilla na tumututol sa planong imbestigasyon ng International Criminal Court (ICC) ukol sa drug war noong panahon ni dating Pangulong Rodrigo Duterte, nagbigay ng kanyang opinyon si Senador Jinggoy Estrada. Sa kanyang pahayag, tinawag ni Estrada na mga "puting unggoy" ang mga tauhan ng ICC na nagnanais na ipagpatuloy ang kanilang imbestigasyon.
Ayon kay Estrada, gumagana naman ang justice system sa bansa at walang rason para manghimasok pa ang mga dayuhan sa pag-iimbestiga sa mga sinasabing paglabag sa karapatang pantao. Naniniwala siya na tulad ng una nang binanggit ni Pangulong Bongbong Marcos, ang gagawing imbestigasyon ng ICC ay isang panghihimasok sa "internal matters" ng bansa.
Kampante si Estrada na hindi sumasablay ang Department of Justice sa kanilang tungkulin na tiyaking gumagana ang rule of law sa bansa. Ayon sa kanya, dapat tayong magtiwala sa ating justice system at hindi dapat magpa-uto sa anumang tagubilin na ibibigay ng mga dayuhang "unggoy".
Naghain na ng Senate Resolution 492 si Estrada kamakailan upang ipahayag ang matinding pagtutol ng Senado sa planong pagpapatuloy ng imbestigasyon ng ICC.
Samantala, umalma naman ang certified Kakampink na si Clive Reyes JR sa naging pahayag ni Estrada. Sa kanyang tweet, binanggit ni Reyes na: Siguro kung naging kamukha ko si Junggoy, I will be the last person to be racist.
Ang lakas ng loob manlait eh senador pa naman!
Siguro kung naging kamukha ko si Junggoy, I will be the last person to be racist.
— Clive Reyes JR (@datumx11) February 23, 2023
Ang lakas ng loob manlait eh senador pa naman! 😳
Maraming netizens ang umalma sa naging pahayag ni Estrada at tinawag siyang "insensitive" at "racist". Ipinakita ng mga netizens ang kanilang pagkadismaya sa kanyang paggamit ng mga ganitong uri ng salita.
Sa kabila ng mga reaksyon na ito, nananatiling palaban si Estrada sa kanyang paninindigan. Ayon sa kanya, hindi dapat magpa-impluwensiya sa atin ang mga dayuhan at dapat tayong magtiwala sa ating sariling justice system.